Soñjoù kantreer.

-- Diwar-benn ar soñjoù kantreer. [Rig Veda] --

Kantren a ra en holl roudoù hor soñjoù
hag e zo liesdoare hentoù an dud.
Gedal a ra ar c'harrer gwallzarvoudoù,
gedal a ra ar medisin klañvourien
hag ar brahman ur patrom pinvidik.

Evit doujañ d'Indra, lezit da vont
an holl soñjoù kantreer-mañ !!

Dre foenn hag ur vegin a ra ful,
dre bluñv ha benvegoù e maen
e klask ar gov bemdez en-dro
war ur prener e aour gantañ.

Evit doujañ d'Indra, lezit da vont
an holl soñjoù kantreer-mañ !!

Me a zo kaner, va zad a zo medisin,
va mamm a val an ed dre ur maen.
Troet ganto o-unan eo hor soñjoù-holl
hag e hiraezhomp da vuioc'h-mui
evel gant ar saout.

Evit doujañ d'Indra, lezit da vont
an holl soñjoù kantreer-mañ !!

Tennañ a ra ur marc'h ar c'harr buanañ,
hoalañ da c'hoarzhin ha fentigellañ a ra an ostiz,
klask a ra ar c'halc'h ur c'hourzh blevek
hag ar glesker ur stank diflach.

Evit doujañ d'Indra, lezit da vont
an holl soñjoù kantreer-mañ !!

Troidigezh gant 白狐

-- NOTE --

Evit doujañ d'Indra [,vi 'du:-zjâ 'din-dra]