D'an Douéez Douar.
Diwar Ho penn, an Douéez Douar,
ar Vamm d'an Holl, ez an da ganañ.
Ar start dindan va zreid oc'h C'hwi, an Hini azeuletañ.
Magañ a rit pep tra a vev er bed.
Magañ a rit ar pezh a zeu da vevañ
war an douar puilh kenkoulz hag er mor.
Magañ a rit ar pezh a nij en aer
ha pep hini a en em vag war Ho levenez.
Eus C'hwi e zeu ar vugale gaer
kenkoulz hag an eostoù mat.
Hini galloudus, Deoc'h eo da reiñ buhez
ha da gemer en-dro Ho krouadurioù marvel.
Laouen eo an neb Ho peus c'hoant da enoriñ.
Dezhañ ne vo ket dinac'het tra.
E atil a ro bevañs a zo stank a blant
hag e ra berzh dre ar saout en e beurioù.
E di a zo leun a draoù talvoudus.
"Tud a seurt-se a ren ar c'herioù,"
emezo ar merc'hed kaer, "gant lezennoù reizh:
degas a reont eürusted vras ha puilhentez;
ez-pragus e tiskouezo ar baotred o c'hened
gant levenez yaouank hag ez ebato ar plac'hed
en ur ganañ e korioù gant levenez en o c'halonoù
war bleuniennoù dous ar peurvan hag ez ebato
en ur zougen meur a vleunienn evel kurunennoù !!"
O Douéez doujadus, Renerez haelionus,
enoriñ a rit anezho !! Bezit al levenez,
Mamm an Douéed, Pried d'an Neñv steredennet !!
Mar ne blij ket Deoc'h ar meulgan-mañ,
bezit ar vadelezh din evit ma
chomo mat va buhez, evel atav !!
Setu perak da gounaat ur meulgan diwar Ho penn
kenkoulz ha diwar-benn un hini all bennak !! [*]
[Hesiod's Homeric Hymn 30: To Earth, the Mother of All.]
Troidigezh gant 白ç‹
-- NOTE --
[* Adonis, Attis . . . ]
Reacties op ‘D'an Douéez Douar.’
Er zijn nog geen reacties geplaatst bij dit gedicht, een reactie plaatsen kan hieronder!