Va Gwir Pried

8x Akka Mahadevi e Brezhoneg [白狐]:

-- I --

Maya am eus evel lezvamm
ar bed evel leztad
tri lezvreur tigrheñvel
soñjoù va fried seurtanvet
a zo leun a vaouezed o c'hoarzhin
ha n'hellan ket enebiñ c'hoazh
ouzh va lezc'hoar, met ur wech
e ouezin achap ouzh ar bebrenn-se
hag ez in o vevañ en difealded
gant va Aotrou gwenn-jesmi

Va pemp skiant a zo va itron a-lez
oc'h unanaat ez on
dre o mennozh gant va Aotrou
un Aotrou ken káer
Eñ a chom war leinioù-menez
va Aotrou gwenn-jesmi
hag e teuio da vezañ va gwir pried
_ _ _ _ _

-- II --

Divrall war varc'h dreist menezioù safirek
o tougen sandalennoù loarmaenek
o kornal kornoù hir
o S'hiva, pevare Ho stardin
ouzh va divronn pod-pri-heñvel ?!

O Aotrou gwenn-jesmi
pevare ez in erruet du-se
diwisket mezh gant ar c'horf
ha hejet gwerc'hted ar galon
_ _ _ _ _

-- III --

Evel ur preñv-seiz ez on
a wiad ez-karantezus e di eus e vêl
evit mervel en neud e pun tro-dro dezhañ e-unan
birviñ a ran gant c'hoant d'ar pezh a c'hoant ar galon
doñva va c'hoantegezh, o Aotrou
ha diskouez me Ho hent-tec'h
o Aotrou gwenn-jesmi
_ _ _ _ _

-- IV --

Trafiket En deus va c'halon
preizhataet va c'horf
goulennet start evel truaj va flijadur
va c'hemeret En deus em fezh
maouez ar garantez on
d'am Aotrou gwenn-jesmi
_ _ _ _ _

-- V --

Goude deut da vezañ va c'horf C'hwi Hoc'h-unan
piv a servijfen c'hoazh
goude deut da vezañ va spered C'hwi Hoc'h-unan
da biv a drofen c'hoazh
goude bezañ kollet va emouiziegezh ennoc'h-C'hwi
piv anavezout c'hoazh
en ur vezañ C'hwi ennoc'h-C'hwi
Aotrou gwenn-jesmi
em eus Ho tisoñjet ganeoc'h-C'hwi
_ _ _ _ _

-- VI --

Pa oan hep gouzout diwar va fenn-me
pelec'h edoc'h C'hwi ?!
evel liv en aour edoc'h C'hwi ennon
da neuze e welis ennoc'h
Aotrou gwenn-jesmi
digenveizad Ho natur ennon
hag e weler neblec'h ur gourem
_ _ _ _ _

-- VII -

Da c'houzout pep tra, da betra 'servij
pa n'en em anavezer ket ?!
hag emañ ar respont en diabarzh
perak goulenn digant unan bennak ?!
o Aotrou gwenn-jesmi, deskit din
penaos Hoc'h anavezout
_ _ _ _ _

-- VIII --

Evel ur marmouz en uhelañ penn ur peul
evel ur vargodenn istribilh diouzh an neud
e oan o c'hoari e-giz m'am c'hoariec'h
e oan o vevañ e-giz ma plije dit
betek ma lârjoc'h, Aotrou gwenn-jesmi
Eñ a dalc'h o vont rodeg an Hollved:
"Bremañ eo a-walc'h"

[Bremañ e c'hellez hen ober te da-unan]
_ _ _ _ _

© Copyright Shirogitsune